Yuriy Kompanets, “Gazelli Group”-un layihə koordinatoru “Gazelli Group” Azərbaycanda ətriyyat və kosmetika məhsullarının ilk istehsalçısı, həmçinin bütün Cənubi Qafqazda ən böyük şirkətdir. O, 1999-cu ildə doktor Zərifə Həmzəyeva tərəfindən təsis edilib. Şirkətin məhsullar portfelinə həm seçmə ətirlər, həm də üz və bədənə qulluq üçün kosmetik vasitələr, eləcə də gözəllik salonlarının kosmetoloqları üçün peşəkar kosmetika məhsulları silsiləsi də daxil olmaqla, 20-dən çox brend daxildir. Şirkətimiz müasir standartlar əsasında sertifikatlaşdırılıb, burada təkcə istehsal şöbəsi deyil, həm də Azərbaycanın təbii sərvətləri olan palçıq vulkanları, mineral duzlar hesabına çoxsaylı patentlərə malik olan elmi-tədqiqat və işləmə-hazırlama şöbəsi fəaliyyət göstərir. Bizim, həmçinin, xammal bazamız var, ona görə də məhsullarımız üçün bir çox tərkib maddə istixanalarımızda yetişdirilən bitkilərdən əldə edilir. Biz nadir kosmetik məhsullar, istehsal edirik, məsələn, biz Naftalan yağının ekstraktı əsasında “Gazelli Skin Care” markalı kosmetik məhsulların bütöv bir silsiləsini yaratmışıq. Fransada bu silsiləyə daxil olan məhsullar üzərində tədqiqatlar aparılıb və əla nəticələr əldə edilib. Şirkətimiz Avropanın bir çox bazarına çıxış imkanına malikdir və genişlənməyə davam edir. |